十二味 (碧麗花園) (已結業)

今日去開土瓜灣，心思思想食川菜，十二味提供午餐選擇，性價比高。餐廳風格非常中式化，座位寬敞。好多客人於午餐時段光顧，店內熱鬧。酸菜魚米線（可選辣/不辣）金湯酸菜魚，果然好好味。一上菜嗰陣獨特嘅香味已經不得了。魚片沒有骨，魚質嫩滑配埋滑滑嘅米線🍜，一絕！大花盆菜（可選辣/不辣）辣🥵或不辣，任君選擇。我選左少辣，味道惹味很濃味。炒得幾乾身，個底唔會剩下好多油。配菜有很多豬肉片，肉菜均衡。白飯配依味菜好正😊！飲品午餐已經包含了包裝道地檸紅茶，非常建議大家升級飲品為餐廳手沖飲品--自家製作既酸梅湯夠凍同甜甜地好解辣。櫃檯發現十二味出左周邊產品--熊貓🐼公仔$60，軟軟的好得意😎。仲有自家品牌嘅辣椒油，如果喜歡辣又鍾意煮飯仔嘅朋友仔，不妨買支返去自製正宗川菜。