影片
更多
2019-06-15
143 瀏覽
每一次食泰國菜，大家都會諗到九龍城，但住喺新界嘅朋友就有啲遠啦。我好耐之前已經聽過《木船》呢間餐廳因為有朋友經常去嗰度食，當咗佢飯堂。為咗驗證呢間餐廳係咪真係性價比超高！我就同男朋友去食，目標係要有小食、飯同野飲，睇下係咪真係好食又抵食！！首先一入到去，餐廳嘅裝修真係好似一架船，坐嘅櫈都係木箱，好特別！食物嘅選擇都好多樣化，基本上所有著名嘅泰國菜佢都有提供，如果顧客唔係好食得辣，都可以選擇辣度。成個餐牌最吸睛一定係呢兩版，佢有教人點樣講泰文，令食客品嚐食物之餘仲會「長知識」！第一道嚟嘅餸係木瓜沙律，非常之入味，食得出木瓜係新鮮嘅，味道酸酸甜甜，辣度亦中等，唔食得辣嘅我覺得可接受；反而朋友非常之食得辣，佢就覺得唔夠喉啦！之後嚟嘅就係串燒，雞兩串、牛兩串！雞肉好嫩身！！本身唔係好鍾意食串燒，但係佢嘅醬汁為呢碟餸加咗分！其實兩個人食完木瓜沙律加埋兩串串燒，已經飽飽地。都見到個菠蘿炒飯，真係o左咀!!!係真係成個菠蘿！！我同朋友食之前都影咗幾張相，因為喺其他餐廳通常都唔會用一整個菠蘿去做呢碟餸！菠蘿炒飯嘅料非常足夠，有一隻大蝦，香料亦落足！最重要係菠蘿係新鮮，所以啲飯係吸左菠蘿嘅鮮味！！呢間餐
首先一入到去，餐廳嘅裝修真係好似一架船，坐嘅櫈都係木箱，好特別！
食物嘅選擇都好多樣化，基本上所有著名嘅泰國菜佢都有提供，如果顧客唔係好食得辣，都可以選擇辣度。成個餐牌最吸睛一定係呢兩版，佢有教人點樣講泰文，令食客品嚐食物之餘仲會「長知識」！
第一道嚟嘅餸係木瓜沙律，非常之入味，食得出木瓜係新鮮嘅，味道酸酸甜甜，辣度亦中等，唔食得辣嘅我覺得可接受；反而朋友非常之食得辣，佢就覺得唔夠喉啦！
之後嚟嘅就係串燒，雞兩串、牛兩串！雞肉好嫩身！！本身唔係好鍾意食串燒，但係佢嘅醬汁為呢碟餸加咗分！
其實兩個人食完木瓜沙律加埋兩串串燒，已經飽飽地。都見到個菠蘿炒飯，真係o左咀!!!係真係成個菠蘿！！我同朋友食之前都影咗幾張相，因為喺其他餐廳通常都唔會用一整個菠蘿去做呢碟餸！菠蘿炒飯嘅料非常足夠，有一隻大蝦，香料亦落足！最重要係菠蘿係新鮮，所以啲飯係吸左菠蘿嘅鮮味！！
呢間餐廳所有食物都好值得打卡，因為外觀真係好靚。就好似呢杯berries shake!!有藍莓同埋士多啤梨，飲落去兩款水果嘅味都好出!!仲會食到啲士多啤梨肉！！喺街上邊好難飲到呢一款果汁， 非常推介大家去飲呀
整體來講，食物質素對得住價錢！兩個人叫咗三碟餸，兩杯嘢飲，埋單都係平均每人$200！加上侍應嘅態度非常積極，會主動收碟同落單! 我同朋友都會再嚟食！
張貼
