泰味屋

營業中

休息中

疫情期間政府禁止夜晚堂食，啱啱經過呢間，見佢做緊外賣八折咪試吓囉。其實佢整體嘅嘢食都超級平，呢間大坑舖頭嘅價錢仲要平過九龍城同大美督。價位平均50至到$60.1個炒粉麵，仲未計你外賣八折。平唔一定正，我就叫咗菠蘿炒飯，青咖喱雞飯同埋小食拼盤。誠意推介菠蘿炒飯，雖然佢$60，折完後係$48，但係佢料非常多，入邊有雞肉仲有臘腸，上面有好多腰果肉鬆，食落去嘅味好好味。至於青咖喱雞飯（$55）個汁都幾香椰香，雞肉都好多。小食拼盤，等咗半個鐘先至有，佢嘅蝦餅魚餅都新鮮，春卷好味多汁，但係食咗一舊唔知乜嘢嘅圓形一小短襪，嗰舊嘢就有啲唔新鮮有啲臭，但係整體而言，小食拼盤份量唔錯，質素都唔錯，折扣完後只係$72。大坑嘅食物整體出名貴，本人身住大坑，個人而言，泰味屋既性價比10分高，值得推介。