木船泰國粉麵專門店 (已結業)

疫情下食肆6點後都只做外賣，行過見呢間外賣好抵食，一個餐包括主食、小食、湯、飲品。幾十蚊可以喺疫情下滿足口癮，實在係抵！招牌燒豚肉飯好香泰式燒肉味，豚肉香而不膩，面頭有木瓜絲。個飯汁又係超惹味，敗筆竟然係個飯太淋，好在肉同飯汁可以救得番整體水準。另一個黃咖哩牛腩，椰香咖哩香，雖然牛腩略嫌有些少唔夠淋，但呢個價錢牛腩份量算多，咖哩汁又煮得靚，係超值的。冬蔭公湯超足料同椰香，肉丸扎肉鮮雞湯都唔錯！三色小食係中華沙律、蛋沙律、魚餅，蛋沙律同中華沙律又幾好味，跟餐有兩塊魚餅又幾抵食！泰式奶茶都幾正，夠哂冰凍同茶味，但我覺得甜左dd😝。整體黎講，價錢packing材料，抵食到震的。