影片
更多
2018-09-21
175 瀏覽
由細到大我都好鍾意食潮州滷水，最鍾意食嘅唔係滷水鵝，而係滷水翼，咁啱又係灣仔嘅朋友話俾我聽呢一間新開嘅滷水做得唔錯，咁就趁今晚返香港島訓就去試一試。叫咗碗蠔仔粥，一個大嘅滷水拼盤，仲有個脆炸墨魚片。果然冇介紹錯，滷水夠香夠入味，我鍾意佢唔會有過分嘅甜味，佢唔係淡嘅滷水，佢係好深色，好多香料嘅豉油滷水，個味道真係平衡得好好，講返我嘅至愛，雖然係個拼盤，師傅都俾咗幾舊大大隻嘅掌翼我地，真係好耐好耐好耐冇食過呢個size嘅掌翼，你出去其他潮州鋪買，就算佢話係大隻，其實都唔大得去邊，反而呢度真係真材實料，另外一樣我好鍾意佢嘅地方，就係佢係俾鵝件，而唔係比鵝片你，識食嘅一定係食鵝件，連皮帶肉有骨，仲要有少少肥，香口到不得了！仲有豆腐，大豆芽，豬耳同埋腩肉，呢個拼盤價值300分！蠔仔粥做出應有水準，略嫌佢豬肉碎比得多得滯！今晚最大嘅驚喜竟然係呢個墨魚片，我嘅朋友因為怕膽固醇所以令到我極度滿足，差唔多成碟都比我食晒，唔知佢點樣整，令到嗰個酥炸嘅脆片，一啲都唔介口，日後真係蘇蘇脆脆，嗰個墨魚片，入口實在，每一啖都食得好滿足！下次返嚟淨係食墨魚片同埋叫掌翼就夠啦~
叫咗碗蠔仔粥，一個大嘅滷水拼盤，仲有個脆炸墨魚片。
果然冇介紹錯，滷水夠香夠入味，我鍾意佢唔會有過分嘅甜味，佢唔係淡嘅滷水，佢係好深色，好多香料嘅豉油滷水，個味道真係平衡得好好，講返我嘅至愛，雖然係個拼盤，師傅都俾咗幾舊大大隻嘅掌翼我地，真係好耐好耐好耐冇食過呢個size嘅掌翼，你出去其他潮州鋪買，就算佢話係大隻，其實都唔大得去邊，反而呢度真係真材實料，另外一樣我好鍾意佢嘅地方，就係佢係俾鵝件，而唔係比鵝片你，識食嘅一定係食鵝件，連皮帶肉有骨，仲要有少少肥，香口到不得了！仲有豆腐，大豆芽，豬耳同埋腩肉，呢個拼盤價值300分！
蠔仔粥做出應有水準，略嫌佢豬肉碎比得多得滯！
今晚最大嘅驚喜竟然係呢個墨魚片，我嘅朋友因為怕膽固醇所以令到我極度滿足，差唔多成碟都比我食晒，唔知佢點樣整，令到嗰個酥炸嘅脆片，一啲都唔介口，日後真係蘇蘇脆脆，嗰個墨魚片，入口實在，每一啖都食得好滿足！
下次返嚟淨係食墨魚片同埋叫掌翼就夠啦~
張貼
