影片
更多
2012-05-28
224 瀏覽
荃灣的一間街坊泰菜，雖然門面比較普通，但入面的食物好味有質素，價錢亦好抵，平均每人百多元已經有海鮮兼可以食得飽，所以絕對是值得推介的一間小店。環境麻麻，但座位總算有空間，坐得不會辛苦的，可惜服務比較混亂，無論是入座次序(又唔派飛仔，靠記憶記，但唔準) 或是上菜次序都好有問題，如本來用來伴咖哩的蒜蓉包最早上、但咖哩就係最遲上，隔離檯的甜品芒果糯米飯又會比串燒早上，還有催單的情況，不過態度上是很好的，所以都總算食得心滿意足。燒雞翼夠大隻，燒得均衡夠惹味，朋友話加埋個醬汁就最好。呢個我覺我最好食，醃得好入味，牛肉又夠林又有肉汁，值得推介。加了薑絲來炒，同一般泰國店的炒菜一樣，有一定的水準，但沒有什麼驚喜。伴蒜蓉包來食簡直一流，入面的蜆真係好大隻，咖哩汁亦夠多，但唔夠辣，但整體來說，是好味的。這店的招牌菜，朋友的極力推介，確實真係好食，蒜蓉好好味，而且個皮整得好脆，入面的包芯夠軟，最適合伴著有咖哩的餸食，可惜同咖哩蜆上檯的時間相差太耐，我們食時已經冷了，朋友話如果熱食會更加好味。入面有隻大蝦及大蝦頭，其他的配料亦足夠，個味夠濃，酸辣適中 (我要小辣，一般的可能不適合我)，我無資格話是最好的冬蔭
燒雞翼夠大隻，燒得均衡夠惹味，朋友話加埋個醬汁就最好。
呢個我覺我最好食，醃得好入味，牛肉又夠林又有肉汁，值得推介。
加了薑絲來炒，同一般泰國店的炒菜一樣，有一定的水準，但沒有什麼驚喜。
伴蒜蓉包來食簡直一流，入面的蜆真係好大隻，咖哩汁亦夠多，但唔夠辣，但整體來說，是好味的。
這店的招牌菜，朋友的極力推介，確實真係好食，蒜蓉好好味，而且個皮整得好脆，入面的包芯夠軟，最適合伴著有咖哩的餸食，可惜同咖哩蜆上檯的時間相差太耐，我們食時已經冷了，朋友話如果熱食會更加好味。
入面有隻大蝦及大蝦頭，其他的配料亦足夠，個味夠濃，酸辣適中 (我要小辣，一般的可能不適合我)，我無資格話是最好的冬蔭功湯，不過是我最喜歡的冬蔭功湯味道。可惜的是入面的香料渣比較多，我一不小心吞了舊尖尖地的渣，差點被刺親喉嚨。
題外話/補充資料：
一定會再來食佢的蒜蓉包及串燒。至於衛生方面，都有隻蒼蠅飛吓飛吓，所以比佢2分only。
(以上食評乃用戶個人意見 , 並不代表OpenRice之觀點。)
張貼
