鱻屋 (已結業)

之前喺網上見到呢間鋪頭，話係平價高質嘅日本餐廳，所以一直都好想去試，今日終於有機會去食啦！佢喺太安樓入面，好細間，但係門面好有日式味道。 我叫左一個吞拿魚飯，比我想像中好味！吞拿魚魚腩油脂分布均勻，而且色澤好靚，好新鮮！放入口，油脂會慢慢係個口入面溶化，好肥美，而且係鮮甜。再配埋豉油同埋芥辣食，就更加突出佢嘅鮮味！另外隔離仲有吞拿魚茸，好柔軟，味道都唔錯。佢仲有一個人有鋪頭名嘅蛋，好鬆軟，食落似食緊蛋糕仔。 碗飯唔單止好食，而且仲擺得好靚！你睇下張相，吞拿魚同埋吞拿魚茸都擺得好整齊，再配埋日式蛋餅，加埋啲配菜，令到碗飯睇落去更加高質素，似係去咗高級料理鋪度食。