阿一豬扒酸辣米綫

營業中

休息中

行山前朋友帶我地去大東街食野。佢話阿一酸辣豬扒麵好好味，咁就梗係去食啦！店面其實好細，咁啱隔離嗰台坐得好多人，所以搞到我地連遞起手拎筷子嘅動作都好困難😂不過食大過天！冇野難到我地！我地四個人都叫同一樣野 - 酸辣豬扒米線！酸辣湯底正，夠酸唔係好辣。豬扒好大塊，好入味！本來怕豬扒唔另上會好淋，點知浸住湯都冇令到塊豬扒個質底仲係keep得好好，仲係好有咬口！另外，佢地個酸菜真心正，好爽口，而且味道唔太酸唔太甜，啱啱好！😋 見到隔離枱個涼拌雞絲海蜇好吸引，又忍唔住叫黎食！嗰涼拌就唔係好涼拌，似暖拌多少少😂海蜇唔係太入味，好彩雞絲同啲酸菜搭救！整體黎講，呢餐係抵食同好食嘅！