影片
更多
2018-11-24
892 瀏覽
元朗吃晚飯的小店多不勝數，真係有選擇困難症，好彩我平日都有做下research，浩食冰室一直在我待食名單之內。我們一行4人，晚市7點15分到達，完全不用等位，8點後就陸續多客了。我地揀左特價4人餐 $588，包4位晚餐及4杯精美飲品，湯，小食。先黎左4個餐湯，意外地竟然係中湯，好彩都好好飲，有一碟開胃小菜麻辣雲耳。餐A，選左鹹豬手，size 都唔細，但人類的思考總是……感覺隔離枱果隻大d，應該係錯覺黎既。 我和朋友們都好喜歡食鹹豬手，德國豬手既，大家評語一致通過，厘度隻豬手係我地食過最好食既，佢層皮好薄好脆口，上枱熱辣辣，最重要係切開後d肉係好滑，完全唔會乾乾硬硬，味道適中，唔會太鹹，基本上唔駛點汁已經好好味，大厨真係超級抵讚。餐B，揀肉眼扒，要6成熟, 一上枱我朋友就急不及待切開，好明顯係已經8至9成熟了，好嚡好硬，味道又唔算差既，要練下牙力餐C，㨂大蝦西冷扒，我朋友又話要6成熟，我其實好想要5成熟。 到上枱……説好的大蝦呢? 2隻炸到變左蝦干……西冷牛扒趕快切開……WoW，竟然係我暗暗希望的5成熟，軟，稔，滑，囗感尚算不錯，個人滿意之選。 餐D，揀燒羊架，要8成熟。 因為我地放左十
我們一行4人，晚市7點15分到達，完全不用等位，8點後就陸續多客了。
我地揀左特價4人餐 $588，包4位晚餐及4杯精美飲品，湯，小食。
先黎左4個餐湯，意外地竟然係中湯，好彩都好好飲，有一碟開胃小菜麻辣雲耳。
餐A，選左鹹豬手，size 都唔細，但人類的思考總是……感覺隔離枱果隻大d，應該係錯覺黎既。 我和朋友們都好喜歡食鹹豬手，德國豬手既，大家評語一致通過，厘度隻豬手係我地食過最好食既，佢層皮好薄好脆口，上枱熱辣辣，最重要係切開後d肉係好滑，完全唔會乾乾硬硬，味道適中，唔會太鹹，基本上唔駛點汁已經好好味，大厨真係超級抵讚。
餐B，揀肉眼扒，要6成熟, 一上枱我朋友就急不及待切開，好明顯係已經8至9成熟了，好嚡好硬，味道又唔算差既，要練下牙力
餐C，㨂大蝦西冷扒，我朋友又話要6成熟，我其實好想要5成熟。 到上枱……説好的大蝦呢? 2隻炸到變左蝦干……西冷牛扒趕快切開……WoW，竟然係我暗暗希望的5成熟，軟，稔，滑，囗感尚算不錯，個人滿意之選。
餐D，揀燒羊架，要8成熟。
因為我地放左十分鐘後先切，放久了切開係完全熟，好彩都算稔滑，有d羊酥味，味道也算合格，人類通病又黎了，見隔離枱左右羊架餐都係有3支羊架，我地係2支半，2支架再加半片羊肉叠在一起。
套餐4人包飲品4杯，6人包飲品6杯，同一款餐同一價格，4人就有點蝕底既感覺。 因為d特飲實在太好飲了，人類既貪念怨念又出左黎。
噴射咖啡~入面有兩球咖啡冰，所以由頭飲到尾都係原汁原味，咖啡屬於濃味果隻，岩我。
另我朋友要左一杯減糖既，佢地都能配合需要，唔該唒!
鮮菠蘿汁~真係鮮菠蘿做，朋友話好飲。
紅荳冰~入面有2粒紫薯糯米糍，好飲又多左口感。
店面唔算大，樓上也有座位。 店面光線足，略嫌枱細，擠迫感強烈。
其中有一位女員工服務出色有禮，謝謝。
埋單冇加一，絶對抵食。
張貼
