海港酒家

營業中

休息中

慶祝紀念日，所以去食海鮮。🦞🦀🦐以為平日寫字樓區，所以冇專登訂位。點知坐升降機上到去一開門嚇一跳，6:30pm已經坐咗九成客。好彩都唔駛等，即刻有位入。海港嘅價錢真係幾抵食，菠蘿咕嚕肉只係$88，香脆可口，不過唔記得影相。海鮮係自己去魚池嗰度揀嘅，好得意，好似去咗西貢咁。個龍蝦都好多肉，煮得好好味，伊麵底。不過佢好奇怪，嗰啲精選孖寶嘅價錢，仲貴過就咁單點。精明嘅我，就梗係單點啦！最後唔夠食，仲加咗燒鵝，皮脆肉滑夠味！豉汁蒸鱔都夠份量，不過個汁醬我唔鍾意，可能係落咗啲欖角？所以食淨少少🤏🏻。今日冇食羊腩煲，$180都幾抵食，我見台台都有叫。下次會來試吓。