捌壹壹 (奶路臣街)

營業中

休息中

捌壹壹係一間主打川菜嘅餐廳，平時一話食川菜，唔食得辣嘅朋友一定耍手擰頭，但捌壹壹哩度嘅菜式，大部係都可以揀辣度，由唔辣到大辣都可以自己話事，啱晒啲想食麻辣刺激野，但又唔食得好辣嘅朋友。佢地除左川味小菜同涼菜，連酸菜魚同雞煲都一樣有得外賣返屋企，就算冇得堂食都唔怕。等左大約十分鐘就有得。冷鍋酸菜魚($168) - 酸菜魚有分例牌同加大碼，哩度係例牌都已經夠三四個人食。入面有超多魚肉同酸菜，仲有金菇同寬粉。我揀左BB辣，酸酸辣辣好開胃，魚肉好滑，抵食又好味。辣子雞(半份)($98) - 辣子雞我揀左小辣，香香辣辣幾惹味，不過雞肉切得比較細粒，影響口感，如果切返舊少少更好。蔥爆牛肉($88) - 我揀左BB辣，其實唔會點食倒辣味。牛肉量都幾多，而且每塊都好大塊，牛肉唔會好鞋。香油海蜇($38) - 海蜇揀左走辣，海蜇幾爽口，加埋麻油香味，味道都唔錯。總結，菜式可以揀辣度自由度較大，我最鍾意酸菜魚，好味大份又抵食，一定要試。