表叔火鍋

營業中

休息中

天氣凍去打邊爐係常識,睇到有優惠就梗係拿林衝去食啦!睇見朋友打邊爐有象拔蚌食真係好吸引!因為餐廳做緊個優惠,$499就有個象拔蚌刺身併手切鮮肥牛孖寶!連湯底都未落就叫左先,怕手快有手慢冇!象拔蚌刺身都幾大碟,每片都好爽脆又唔腥!雖然要幾個人分,但都算夠食碟手切鮮肥牛一樣又大碟又靚!食嗰時又香又滑,因為我地叫左花雕醉雞鍋所以d牛肉仲有陣花雕味!超好食!其實刺身我地仲叫咗條包公(魚立),因為二百令蚊就食到!好抵食!,D肉好爽好鮮甜,食完刺身個頭又可以加錢椒鹽炸左佢!細細個魚頭炸完都幾大碟而且好香脆!鐘意飲酒嘅就一流!小食又叫左糖心皮蛋皮蛋入面水汪汪咁,好香好好食,如果有埋酸薑就更好!講番個湯底先!花雕醉雞鍋有半隻雞喺入面,,又有好幾款藥材都幾足料,個酒味香但又唔會苦,夠晒補!即炸響鈴呢到係即叫即炸!所以可以就咁食!點少少甜酸汁食又香又脆又鬆化!!如果想淋身d就可以放番落鍋入面吸完湯再食又得!不過我就鐘意脆食多d另外仲叫左黑松露鮮蝦雲吞,大大粒個樣好肥好可愛!有大大隻蝦係入面,除左有成隻鮮蝦之外,入面仲包左好多肉!堅係豬肉而唔係肥膏!食一兩粒都已經覺得好飽好足夠！