旺角海鮮菜館

營業中

休息中

🔥白胡椒澳洲龍蝦粉絲煲，餐廳提既龍蝦粉絲煲讓我同朋友真係非常有驚喜。龍蝦本身生猛扎扎跳非常新鮮，肉質鮮嫩彈牙，每一啖啖啖肉都充滿胡椒嘅味道。而家龍蝦肉都飽滿，品質非常出色。龍蝦肉非常爽口彈牙，餐廳喺控制烹調龍蝦嘅時間拿捏得非常好，絕對唔會有太熟嘅情況而且粉絲既煮製非常到位，味道入味均勻，口感細膩滑潤，完全吸收了龍蝦湯汁既鮮甜味道。粉絲份量適中，令人愛不釋口，呢度菜絕對係非常出色，熱辣辣再加香噴噴，簡直就係好食！🦞🦞🔥椒鹽一口鮑魚，鮑魚係椒鹽嘅方式烹調，鮑魚非常大隻，而且亦都食得出食材非常新鮮，大大隻嘅鮑魚實在令人地目不暇給！餐廳係調味方面亦都做得非常好，椒鹽同埋鮑魚嘅配搭非常出色，辣辣地再加埋蒜蓉嘅味道，令到鮑魚嘅味道更加提升，鮑魚嘅口感亦都非常厚實，大大隻鮑魚，正！🔥沙田雞粥，個粥嘅調味亦都唔會有太多味精食得出雞肉本身嘅鮮味，而且每一碗粥都有起碼六至七件鷄，都比起想像中多，粥身煲起黎非常軟綿綿，調味亦都適中，每一件雞都食得出雞肉嘅鮮嫩，絕對唔係雪藏貨嘅級數，令到成個粥更加好食，有啲喜出望外海鮮菜館都可以做出咁優秀嘅粥，如果鍾意食嘅朋友絕對唔可以錯過！最後老闆娘仲送咗個綠豆沙糖水俾我哋