薰甘同味 (已結業)

周圍食肆都係人，度度都有等位嘅人，行行下就見到呢間，門口唔多人等位，就試一試呢間！佢個menu都幾國際化，有馬拉嘅喇沙、日本九州嘅拉麵、韓式撈麵、星加坡沙嗲米線、泰式咖哩撈麵，連小食都有印度薄餅！叫個感覺穩陣嘅韓式芝士撈麵+沙嗲肥牛，配凍熱柚子茶或涼茶，都係$40！呢個撈麵都ok，有芝士同蟹子令成個感覺豐富左，無咁寡！而沙嗲肥牛都入味，略嫌唔夠多！另外加$12加個冷拼盤，日式麻醬豆腐、芥蘭四季豆同芥辣秋葵！佢份量都幾細，如果諗住食啲蔬菜，呢個係唔太抵！