Ricco (已結業)

行過長沙灣，偶然發現呢一間小店。正想去食西餐嘅時候，見到佢價錢非常親民而且賣相非常好。就決定咗行入去。入到去果然有驚喜，所有炸嘅嘢食都非常之脆卜卜。唔會炸到好乾之餘，食落一啲都唔會油膩，啲肉裏邊仲滿有肉汁。仲有值得一試就係佢哋個薯條，食落唔會出油真係食完一條又想食多條。Fish and chips 仲有炸雞脾係一定要食！之後就係肉醬薯蓉，唔會太鹹又唔會太heavy。意粉都可以話係交足功課，一大舊魚連埋其他海鮮。食落唔會得個鹹字，就算炸完都仲食到舊魚既肉汁。啲意粉又唔會話太乾，配埋個青汁加埋啲海鮮一齊食非常夾。