沙田友冰室 (已搬遷) 新店位置

每次經過石門京瑞廣場呢間餐廳，都會俾佢既懷舊風裝修吸引住，今日終於有時間入去試試。晚飯中式小菜一般由$58至$88不等，包餐湯，白飯及熱飲。小菜款式都係一般大路菜式，我和朋友每人點了一個，分別是炒牛柳粒和炒芥蘭。每人先來一碗青紅蘿蔔豬骨湯，大大碗夠足料。🍵蜜椒腰果炒牛柳粒$78呢碟賣相唔錯，紅椒同青椒都炒得好爽，牛肉就夠淋，配埋腰果同洋蔥層次都幾豐富。原本想叫馬拉盞炒通菜，但通菜已沽清，所以就轉咗薑汁芥蘭$58。芥蘭一d苦味都無，反而有d薑味，但芥蘭就略嫌唔夠爽。來到茶餐廳就點都要飲返杯熱奶茶，茶底夠濃，奶又夠滑。