北海道爐端燒 (已結業)

第三次黎食，因為食物質素唔錯又唔貴，但啲服務依然好唔掂。見到有4個女仔明明book左枱，但被安排bar枱，咁人地食飯都係想傾下計，所以走左。另外有三個外國人得兩個bar枱位，店員話會安排，所以有個人本身諗住走都企喺到等，最後等左好耐，店員愛理不理咁，我朋友開口問先話安排唔到。不過平心而論食物的確唔錯，特別係燒物。羊架 $58x2外層燒得微脆，肉嫩多汁，帶少許羊羶味，比好多西餐廳做得更出色，十分推介。芝麻煙肉沙律 $48用上黑芝麻醬都幾特別，食落其實同普通芝麻醬隻味好似，加上煙肉粒提味，食落清新又惹味。特上壽司盛盒 $198比上次做得好，壽司大小適中，魚生都幾新鮮。炸年糕 $48等左好耐，因為催左兩次店員先發現漏單。新鮮炸起都幾油，但真係做到外脆內軟，加上流心芝士，真係好滿足。鹽燒味噌漬鮭魚腩 $52魚腩好肥美，充滿魚脂香，燒得啱啱好。坐喺bar枱望住師傅做串燒，都係一種享受，雖然其他店員服務唔掂但串燒師傅好有禮貌，值得一讚。