川亭 (聯發街)

營業中

休息中

食辣嘢出一身汗真係好爽呀！而講起食辣嘢，自然就會諗起川菜。香、麻、辛、辣嘅多種層次，每次食都有Level Up嘅感覺。今日嘅川菜晚餐，就嚟到灣仔嘅川亭，餐廳嘅招牌二人套餐，夠大份又抵食！價錢就夠親民，到於麻辣程度…川亭口水雞川亭嘅口水雞戰然有骨，但其實有骨嘅雞，雞肉會更香更嫩。口水雞嘅雞肉唔肥，連皮食都唔會太有罪惡感，味道方面麻麻辣辣，作為前菜可以刺激味蕾。四川擔擔麵擔擔麵有辣有唔辣，任君選擇。擔擔面嘅湯底帶有好香嘅花生醬味，加上炒香嘅肉碎，增添口感層次。至於陽春麵係擔擔麵嘅不二之選，非常掛湯。酸菜魚片魚片無骨又滑，份量十足，魚肉索哂酸辣湯汁，非常入味。除咗魚片之外，窩內仲有金菇同薯粉，夠晒飽肚。