川婆婆 (利園山道) (已結業)

今次介紹依間餐廳最適合中意食辣既朋友仔，係位於係銅鑼灣利園山道既「川婆婆」。平時聽「川婆婆」依個名大家應該會諗起尖沙咀分店，但其實銅鑼灣都有分店，但依間就無得打邊爐，菜式比較類似車仔麵，揀餸、麵底、同埋湯底，仲有其他既川菜小食。介紹主菜前，要同大家推介佢地既手撕雞，本身以為手撕雞會比較細碟，但以小食黎講碟手撕雞都比較大碟，因為之後主食揀左辣既關係，今次小食就揀左唔辣。自己就幾中意佢地既手撕雞，因為味道同鹽焗雞一樣，啖啖肉夠抵食。主菜就叫左淨餸套餐加白飯，麻辣湯底夠香口，重點係加埋蒜蒜，比平時既麻辣湯再多一份香味，淨餸本身包左6款餸，所以個人覺得都幾抵食，值得推介係佢地既雞柳條，夠嫩滑唔會鞋口。唔食得辣又想陪朋友仔食既可以揀香草蕃茄湯，酸酸地夠開胃👍🏻