熊貓小雲吞 (興華廣場)

營業中

休息中

對上一次去青年廣場溫書已經係六年前，當時仲係大學生，每一日係青年廣場由朝到晚溫書，午餐同晚餐都係樓下餐廳「解決」，最緊要係平靚正。今時今日樓下餐廳已經面目全非，不過仍然有唔少平靚正餐廳，其中一間係熊貓小雲吞。餐廳堂食座位非常少，主要以外賣為主，等待時間只需要五分鐘。作為川菜餐廳，酸辣粉當然不能缺少，另外仲有雲吞、涼皮同串串鍋等等。- 一口鮮蝦豚肉雲吞雖然雲吞好迷你，但餡料好足，雲吞皮夠薄，非常滋味。湯底揀左清雞湯，味道清甜，入面仲有蔬菜。- 肥牛金針菇重慶酸辣粉肥牛肉質正常但勝在份量多，起碼有六件，而且幾入味。酸辣粉都有基本配料包括花生、芫茜，仲有我好鍾意既黃金脆脆豆。薯粉比較幼身，口感算煙韌。湯底味道偏麻，令我愈食愈上癮，最後食到出晒汗🥵餐廳推出幾款茶類飲品，我試左香桃茶同青蘋果茶，茶味唔算太出，但兩者甜度適中，而且可以解辣。- 黃金脆脆豆黃金脆脆豆實在太好味所以我特登買左一大瓶🤣，夜晚邊飲啤酒邊食脆脆豆真係人生一大享受。