道北工房 (已搬遷) 新店位置

秋高氣爽结伴行山，享受大自然。行完己接近中午，有朋友介紹天后有間餐廳做 promote，原價$368半自助午餐現減40％；好抵質素唔差，提議去試試反正剛做完運動；正好要補充能量啦！餐廳分兩層，地下主要擺放冷盤。見到廚師正準備生蠔，是卽開的。大大隻凍蝦和青口。前方則有一碗碗前菜( 蟹柳沙律、螺肉、八爪魚 )和壽司。對面凍櫃內放了新鮮沙律菜可供客人自由配搭。而隔離亦有香口炸物提供。至於樓上就熱薰區。有炸魚(據了解炸魚其實亦採取刺生魚來炸，故肉質結實鮮甜)鴨和芝士青口等等。湯也有昆布麵鼓湯和薯蓉湯，款式頗算豐富。除此之外有六欵主菜任擇其一，而每位客人亦可選芝士焗波士頓龍蝦半隻或刺生；最后還包飲品一杯。原條燒牛肉份量好足好大件，以五成熟上檯時還見到少許血水滲出；肉質幼嫩牛味濃。伴菜薯餅炸得好鬆化好脆，食到唔停口。👍半邊龍蝦龍蝦厚肉又彈牙，蝦膏超多；以芝士來焗香口惹味。👍我們坐在落地玻璃窗旁繼續享受燦爛陽光，一面暢談一面享用美食；一樂也。