影片
更多
2022-12-16
99 瀏覽
邊個話食泰國菜一定要去九龍城㗎！聽同事講灣仔石水渠街有間新開泰國隱世樓上餐廳好抵食，於是約咗好姊妹一齊去試吓！呢度地方唔大，但係枱與枱之間有一定嘅距離，牆上仲有一幅好得意嘅tuk tuk畫好有泰國特色，首先我哋叫咗一杯龍眼冰（$45）同一杯凍咸檸七梳打（$45）原來都幾大杯喎！龍眼冰清清地唔會太甜，另外杯咸檸七喜都好好飲。食物方面我哋叫咗沙爹串燒六串🐔一半雞🐷一半豬（$88）原來都好大串，熱辣辣加上甜酸汁味道唔錯！跟著叫咗燒豬頸肉（$98）切得薄薄一片，加上酸辣醬，味道好夾！另外再叫咗一碟泰式炒通菜（$72 ）份量亦都好夠，跟住再試埋佢哋個菠蘿海鮮炒飯，佢哋並冇用原個菠蘿裝住，而係有一串菠蘿響旁邊，飯上面再加左一塊芝士，而腰果同埋肉鬆就擺響側邊等你自己食時再撈，炒飯充滿咗🍍菠蘿肉，仲有臘腸及其他配料口感十足，份量更加比其他餐廳大。去得泰國餐廳梗係唔少得叫埋飯後甜品芒果糯米飯啦（$68）一上枱已經聞到好香嘅芒果味🥭加上有三大粒糯米飯配上椰汁，啲芒果好甜好正！為呢一餐劃上完美嘅句號，味道正宗我哋兩個食到超飽😂埋單嘅時候先知道，原來佢哋新張期間今個星期做緊七折，而嚟緊呢兩個禮拜亦都會做八折，
呢度地方唔大，但係枱與枱之間有一定嘅距離，牆上仲有一幅好得意嘅tuk tuk畫好有泰國特色，
首先我哋叫咗一杯龍眼冰（$45）同一杯凍咸檸七梳打（$45）原來都幾大杯喎！龍眼冰清清地唔會太甜，另外杯咸檸七喜都好好飲。
食物方面我哋叫咗沙爹串燒六串🐔一半雞🐷一半豬（$88）原來都好大串，熱辣辣加上甜酸汁味道唔錯！跟著叫咗燒豬頸肉（$98）切得薄薄一片，加上酸辣醬，味道好夾！另外再叫咗一碟泰式炒通菜（$72 ）份量亦都好夠，跟住再試埋佢哋個菠蘿海鮮炒飯，佢哋並冇用原個菠蘿裝住，而係有一串菠蘿響旁邊，飯上面再加左一塊芝士，而腰果同埋肉鬆就擺響側邊等你自己食時再撈，炒飯充滿咗🍍菠蘿肉，仲有臘腸及其他配料口感十足，份量更加比其他餐廳大。
去得泰國餐廳梗係唔少得叫埋飯後甜品芒果糯米飯啦（$68）一上枱已經聞到好香嘅芒果味🥭加上有三大粒糯米飯配上椰汁，啲芒果好甜好正！為呢一餐劃上完美嘅句號，味道正宗我哋兩個食到超飽😂
埋單嘅時候先知道，原來佢哋新張期間今個星期做緊七折，而嚟緊呢兩個禮拜亦都會做八折，所以更加抵食😻住港島朋友可以快啲去試吓！
張貼
