鳳鳴石磨腸粉 (香港工業中心A座) (已結業)

真係要多d支持呢係細街鋪，如果唔係，早餐選擇就越來越少。呢間石磨腸粉，垂涎已久，終於食到。我估係夫妻檔，不過就唔肯定。個位女士好好笑容，男人就不斷做個腸粉。牛肉雞蛋腸粉 $30比我想象中分量更大，好有米香，腸衣薄且幼滑。牛肉碎好多，無咩肥嘅，不過有些筋，不太容易咬動，可能下次試下豬肉碎，手撕雞好似都幾好味。建議多少少豉油，可能我比較重口味，食到最後已經覺得味道不夠。一定要試下個辣椒油，好好味，不過好辣咯，用筷子蘸去少少，都覺得好辣。