Magic Touch (T Town) (已結業)

餐廳環境乾淨，光線充足，三個人去食被安排坐係卡位，坐得都幾舒適。餐廳用平板電腦點餐，點滿$100就會有小遊戲玩，好好彩中咗獎，獎左兩粒冰凍泡芙，有少少驚喜，都幾開心。食物方面，全部食物以佢嘅價錢來講已經唔錯最抵食嘅係蟹籽牛油果炸蝦反卷，呢個配搭好好味，唔會太膩，一個人淨係叫呢款都已經好飽，另外就係佢個擺盤都幾吸引，食得好滿足。壽司用嘅食材都幾新鮮，而係炸物方面，每一樣我哋叫嘅嘢食都係即叫即炸，嚟到嘅時候熱辣辣脆卜卜，炸魷魚鬚好香口好厚肉，令人食唔停口。整體間餐廳比我嘅感覺都好好，絕對會有下一次！