圓鐵板燒 (已結業)

食鐵板燒一向都覺得好貴。呢一間位於food court入邊嘅鐵板燒真係性價比高，而且佢食材新鮮，所以相當抵食！我哋揀咗個二人餐「牛饌」$738牛の盛合：A5宮崎和牛、澳洲和牛、美國安格斯西京燒比目魚扒、牛油燒汁阿根廷紅蝦配雜菜、牛油香煎黑椒鮑魚、和牛炒飯、鐵板炒時菜、餐湯、伯爵茶/焦糖咖啡蛋糕、2杯特飲／汽水。呢個套餐相當豐富，點完餐好快就有餐湯同埋炒菜。第一道菜係比目魚扒，魚扒非常厚身，而且師傅慢慢煎煎到外面金黃，入邊肉質又夠嫩滑。之後就到最期待嘅牛。牛擺盤好靚，而且用牌分辨左唔同嘅牛種俾你。配：黑椒、蒜粒、黑松露鹽。宮崎和牛油脂最多，最juicy。澳洲和牛亦都好好味，肉質夠腍。美國安格斯牛牛味夠香。三種牛都好好食。海鮮有四隻，阿根廷紅蝦及兩隻鮑魚。蝦新鮮爽口，鮑魚肉質亦都爽口。最後到和牛炒飯，和牛一粒粒，炒飯炒得幾香！甜品係伯爵茶焦糖咖啡蛋糕，食到捧腹走。