影片
更多
2019-02-16
3629 瀏覽
又到情人節，以往係另一半book位，今年我較為清閒就幫手book啦，為咗近佢放工方便，北角海逸酒店係首選。上網👀過，佢二月十四個價好合理，$468同平時星期五至日嘅價一樣，冇特別大幅加價，而且時間係1830-2200，啱晒我。我打去book位時都有問吓有冇信用咭優惠，當然冇啦，只不過職員好好，之後再打俾我話我知網上買有8折...估唔到咁嘅日子都仲有折，咁即刻買啦🤭其實我已經嚟過好多次食自助餐啦，今次主題係東南亞。入門口就見到今晚每檯都有蒸龍躉同朱古力火鍋送，真係好開心😃呀⋯⋯海鮮拼盤有麵包🦀、長腳🦀腳、青口、凍🦐、小🦞同蜆，我夾了4款。最愛嘅刺身係希靈魚同吞拿魚，出面仲有三文魚、八爪魚🐙同甜蝦。壽司都有好幾款，個壽司飯唔錯㗎！另外有煙三文魚同煙魚。有即開生蠔，唔記得👀吓係邊樹嘅添！仲有女士鍾意嘅花膠，雖然係花膠仔，不過一樣養顏一流😍哩個就係送嘅蒸龍躉，唔錯喎，個皮好高骨膠原😉東南亞嘢食有肉骨茶、馬拉盞什菜、醬爆🦐、巴東牛肉....仲有炒🦀、泰式豬頸肉、黃金🦐等等，燒味水準都👌🏼又有鵝肝多士，雖然我唔太鍾意食，但係都食番件先😝甜品有十多款，我揀藍莓芝士餅、綠茶慕絲、芒果蛋糕同多啤梨慕絲，
上網👀過，佢二月十四個價好合理，$468同平時星期五至日嘅價一樣，冇特別大幅加價，而且時間係1830-2200，啱晒我。我打去book位時都有問吓有冇信用咭優惠，當然冇啦，只不過職員好好，之後再打俾我話我知網上買有8折...估唔到咁嘅日子都仲有折，咁即刻買啦🤭
其實我已經嚟過好多次食自助餐啦，今次主題係東南亞。
入門口就見到今晚每檯都有蒸龍躉同朱古力火鍋送，真係好開心😃呀⋯⋯
海鮮拼盤有麵包🦀、長腳🦀腳、青口、凍🦐、小🦞同蜆，我夾了4款。
最愛嘅刺身係希靈魚同吞拿魚，出面仲有三文魚、八爪魚🐙同甜蝦。
壽司都有好幾款，個壽司飯唔錯㗎！另外有煙三文魚同煙魚。
有即開生蠔，唔記得👀吓係邊樹嘅添！
仲有女士鍾意嘅花膠，雖然係花膠仔，不過一樣養顏一流😍
哩個就係送嘅蒸龍躉，唔錯喎，個皮好高骨膠原😉
東南亞嘢食有肉骨茶、馬拉盞什菜、醬爆🦐、巴東牛肉....仲有炒🦀、泰式豬頸肉、黃金🦐等等，燒味水準都👌🏼
又有鵝肝多士，雖然我唔太鍾意食，但係都食番件先😝
甜品有十多款，我揀藍莓芝士餅、綠茶慕絲、芒果蛋糕同多啤梨慕絲，甜品比之前進步咗☺️
有三款H字頭雪條，我只揀朱古力🍫味。
最後梗係上埋個朱古力火鍋啦，哩個係送㗎，而雪榚球係自己出去攞嘅，有職員幫手。雪糕有綠茶、香芒、夏威夷果仁、士多啤梨芝士餅、冧酒提子🍇同仲夏野莓味。
仲有其他嘢食不能盡錄，大家有興趣就試吓啦⋯⋯😄
張貼
