影片
更多
2021-10-14
655 瀏覽
嚮中環食過嘅手工意粉餐廳，而家嚮西環都有分店了。裝修同中環店好類似，門口都係有一大排白色框玻璃窗，裡面係暗黃燈光加上淺木色藤椅，好有情調，適合打卡。Lunch time冇得book，雖然幾乎滿座，但冇中環店咁多人等位。一坐低侍應就比左袋餐包，係法包，點黑醋同橄欖油食，如果係熱嘅就更好了。呢度Set lunch算抵食，$158包前菜、意粉同甜品，仲唔使加一。Andrea's Cold Cuts （前菜）有Parma ham同水牛芝士。由於parma ham係我最愛嘅食物之一，每次都會點呢個前菜，份量真係好多。Tuna Tartare （前菜）本人唔食tartare,呢個係朋友點嘅。目測吞拿魚份量好多，仲有大量牛油果同洋蔥，聽講撈埋一齊食口味唔錯。Tagliolini Truffle松露醬同松露片味道濃郁，醬汁非常creamy，而且意粉煙韌，係我鐘意嘅硬度。Lasagna Classica牛肉肉醬千層麵，上層係焗到焦脆嘅芝士，上碟已經好香，第一口味道好濃好驚艷，但食到一半會覺得有點鹹同膩，如果同人分享會好d。Tiramisu非常大杯，表面鋪滿朱古力粉，中間嘅蛋糕軟滑而且咖啡味濃，但比較甜，
一坐低侍應就比左袋餐包，係法包，點黑醋同橄欖油食，如果係熱嘅就更好了。
呢度Set lunch算抵食，$158包前菜、意粉同甜品，仲唔使加一。
Andrea's Cold Cuts （前菜）
有Parma ham同水牛芝士。由於parma ham係我最愛嘅食物之一，每次都會點呢個前菜，份量真係好多。
Tuna Tartare （前菜）
本人唔食tartare,呢個係朋友點嘅。目測吞拿魚份量好多，仲有大量牛油果同洋蔥，聽講撈埋一齊食口味唔錯。
Tagliolini Truffle
松露醬同松露片味道濃郁，醬汁非常creamy，而且意粉煙韌，係我鐘意嘅硬度。
Lasagna Classica
牛肉肉醬千層麵，上層係焗到焦脆嘅芝士，上碟已經好香，第一口味道好濃好驚艷，但食到一半會覺得有點鹹同膩，如果同人分享會好d。
Tiramisu
非常大杯，表面鋪滿朱古力粉，中間嘅蛋糕軟滑而且咖啡味濃，但比較甜，食曬就會感覺幾漏。
Panna Cotta
上層係紅梅jam，下層係奶凍，酸酸甜甜，比較解膩。
張貼
