影片
更多
2014-07-08
2482 瀏覽
今晚一行三人黎到九龍城, 醒起呢度有間潮州野都開左幾耐下, 而且啲野食唔錯, 所以就去左試下. 喺門口就見到有個好似幾抵食嘅”二人套餐”, 話就話二人套餐, 但其實有成六個餸!!! 所以我地兩男一女就入左去食打冷了~潮州鹹雞肉質實淨, 但唔嚡口, 有好香雞味, 呢啲就係新鮮雞優勝之處喇! 鵝片份量就比較少, 每人食得果3-4塊, 但味道幾好, 唔好睇佢咁嘅樣, 其實係入晒味的, 而且夠肥夠滑, 如果個size大番少少就perfect喇! 至於豆腐就冇咩特別.方魚蠔仔泡飯亦都唔錯, 個湯夠晒魚香味, 應該係落足料去煲. 大大粒嘅蠔仔加埋口感煙韌, 帶少少鹹香嘅大地魚乾, 令我地幾個都食唔停口! 不過之後黎嘅鹹菜胡椒豬肚湯就唔好係幾好飲喇, 煲得太耐, 所有料都淋晒, 冇咩味.但估佢唔到嘅係成餐最好食嘅竟然係椒鹽九肚魚!!! 夠厚肉, 炸得香脆, 食落去外脆內嫩, 一流! 不過我最鍾意就係墊底嘅紫蘇葉, 因為而家已經唔係度度都有得食!
潮州鹹雞肉質實淨, 但唔嚡口, 有好香雞味, 呢啲就係新鮮雞優勝之處喇! 鵝片份量就比較少, 每人食得果3-4塊, 但味道幾好, 唔好睇佢咁嘅樣, 其實係入晒味的, 而且夠肥夠滑, 如果個size大番少少就perfect喇! 至於豆腐就冇咩特別.
方魚蠔仔泡飯亦都唔錯, 個湯夠晒魚香味, 應該係落足料去煲. 大大粒嘅蠔仔加埋口感煙韌, 帶少少鹹香嘅大地魚乾, 令我地幾個都食唔停口! 不過之後黎嘅鹹菜胡椒豬肚湯就唔好係幾好飲喇, 煲得太耐, 所有料都淋晒, 冇咩味.
但估佢唔到嘅係成餐最好食嘅竟然係椒鹽九肚魚!!! 夠厚肉, 炸得香脆, 食落去外脆內嫩, 一流! 不過我最鍾意就係墊底嘅紫蘇葉, 因為而家已經唔係度度都有得食!
題外話/補充資料：
個套餐300蚊有找, 加左碟鵝片, 2支大啤, 一碗飯, 每人都係百五蚊鬆啲, 食完仲有紅豆沙送tim! 雖然碟頭係有啲細, 但係都幾抵呀! 下次一定要再黎食凍烏頭!
(以上食評乃用戶個人意見 , 並不代表OpenRice之觀點。)
張貼
