極品靚鍋 (已結業)

極品靚鍋朋友話想打邊爐，就搵左呢間睇落幾好幾抵食既試下。鋪頭空間好大好闊落，離隔離枱都幾遠，唔洗同人迫埋一齊，以打邊爐黎講環境好好。今次同朋友想食好d，所以都簡左最多野食既C餐，美國SRF和牛餐，牛豬羊同海鮮都係任食既。湯底簡左豆乳骨膠原美顏鍋，湯底特別得黎又幾健康，淥完既食物仲有小小既豆味同甜味。出面雪櫃有菜同野飲任拎，菜就簡左黃芽白同冰菜，冰菜比較少係打邊爐見到，而兩種菜既質素都唔錯，幾鮮甜。第一輪叫左美國牛肩胛肉眼同澳洲牛柳，仲有豬肉同埋羊肉，兩款牛肉都有埋個牌寫著淥6,7秒就夠，肉味幾濃，個人鍾意牛肩胛多d,多小小脂肪食落香d。而豬同羊就切得比較薄，羊就幾有羊味但豬就比較普通，可以主力食返牛肉，因為牛既質素真係幾好。仲有叫左其他丸類同海鮮，比較好食既有脆肉鯇同魷魚，炸魚皮同響鈴都好食，炸得好香脆，而丸既質素都唔錯。最後都有拎到雪榚，不過味道比較普通。整體黎講，牛肉以任食黎講質素好好，丸類同海鮮都幾好，值得一試。