韓舍 (已結業)

今次介紹嘅係一間養生鍋🤓 啲刺身有啲錯重點😆 但真心唔錯☺️ 睇養生鍋就睇下一張圖啦😂😂 近排養生鍋開到周圍都係😀 咁我本身都唔特別中意打邊爐 所以都唔太講究🙈 講返韓舍呢，佢早幾年係做韓燒嘅，近來轉型做養生鍋同海鮮火鍋🍲  而家$228就可以任食火鍋、刺身，仲有各種熟食同甜品🤓 刺身有驚喜，有三文魚腩、劍魚腩、象拔蚌，放題質素咁😀  養生就得一款，係杞子准山花膠雞湯🤤 我地3個人，有成隻雞🐔 煲到咁上下會有staff嚟幫我地剪好隻雞，方便我地食😍 其他野食就自己拎，平時打邊爐有嘅都基本上有，另外仲有羊肉同內臟好似豬潤、大腸咁，仲要幾新鮮😀😀 呢啲真係唔係度度有，如果中意食嘅一定好開心😍