二鍋頭 (好運中心)

營業中

休息中

同媽咪黎食呢間任食煲，媽咪都話抵。有幾款煲任食，仲可以揀湯底食火鍋。牛尾煲係最好味，食落好似牛腩咁入味，牛尾好香同埋好大嚿。雞煲都好惹味嘅，仲有豬手煲但我無食到因為要留肚食火鍋～湯底係鷓鴣湯，店員建議我哋打邊爐飲一啖，好補㗎喎～我地食嘅係中價嘅安格斯牛餐，有封門柳、鵝腸、花枝片、鱔片、滑牛，全部都幾新鮮乾淨。其他好似唔同嘅丸同菇、菜、飲品、甜品都任食嘅，可以食得暢快。雪糕有幾款好好食，芝麻味同埋咖啡味都香，榴槤雪條都好食，好濃榴槤味又滑。