WOFT (已結業)

放工同朋友去鬆一鬆，黎到旺角呢間餐廳，位置方便，又近火車又近地鐵，坐夜左仲有通宵車返去🤭呢度有室內室外，好有外國feel😊店員都好nice，食物上菜速度都好快。仲唔會有用餐時間限制😌▫️忌廉菠菜煙三文魚水牛芝士pizza🍕好濃郁既芝士味，用左脆餅底，卜卜脆口感，煙三文魚份量都好多。▪️白汁蘑菇海鮮狗仔粉配香煎帶子🍝配返辣菜脯，超特別既口感。整碟既食材好豐富，白汁稀傑度恰到好處，唔會太稀唔會太傑。▫️香濃芝士旋風薯圈🍟新鮮熱辣出爐，送酒小食一流▪️ R Lychee & Cocktail🍹配有荔枝沙冰🍧，有水果甜，又有小小酒精味😊，happy hour真係好抵飲！