影片
更多
2024-08-15
298 瀏覽
KA-TO 卡噹拉麵😘今日同朋友去荃灣做運動，做完就去附近商場行街食飯，我哋去咗間商場行到入地下已經係美食廣場，見到有一間係食日式拉麵嘅店舖，我朋友就非常鍾意食拉麵，就去睇吓有咩食，見到餐牌有個震撼優惠價，係非常抵食嘅豚角拉麵用醬油湯，價錢唔貴只係$38，店員仲同我哋講每個月都有不同優惠推介，這間店舖叫KA-TO 卡噹拉麵，位於荃灣大河道88號灣景廣場購物中心地下20號舖，灣景廣場美食地方都闊大，座位都好多，坐得令人舒服，拉麵店員有禮貌服務態度好，來這裏食真係不錯。我哋除咗一定叫優惠價嘅豚角拉麵，個餐牌仲有自選拉麵，咁就可以鍾意食乜就叫乜，先選湯底，有四款咁多，有醬油、豬骨、味噌、咖喱湯底，四款我哋都鍾意飲，首選豬骨湯，跟住選面底，當然選自家拉麵，醬料仲有得加辛辣、麻辣味道，最後就選餸菜，非常多有29款餸菜，而餸菜個賣相都好吸引，我哋就選咗日式豚角、雞叉燒、靈芝菇、雜菜魚餅。如果你有素食朋友，都可以同佢來食，自選拉麵本身有經典配搭，有醬油湯、拉麵、蔥花、味筍、木耳絲，價錢亦係$38啫。這間拉麵店部除咗食拉麵之外，仲有小食叫來食，啲小食亦都好吸引，我哋叫咗煎餃子、明太子多士、手羽餃子明太
今日同朋友去荃灣做運動，做完就去附近商場行街食飯，我哋去咗間商場行到入地下已經係美食廣場，見到有一間係食日式拉麵嘅店舖，我朋友就非常鍾意食拉麵，就去睇吓有咩食，見到餐牌有個震撼優惠價，係非常抵食嘅豚角拉麵用醬油湯，價錢唔貴只係$38，店員仲同我哋講每個月都有不同優惠推介，這間店舖叫KA-TO 卡噹拉麵，位於荃灣大河道88號灣景廣場購物中心地下20號舖，灣景廣場美食地方都闊大，座位都好多，坐得令人舒服，拉麵店員有禮貌服務態度好，來這裏食真係不錯。
我哋除咗一定叫優惠價嘅豚角拉麵，個餐牌仲有自選拉麵，咁就可以鍾意食乜就叫乜，先選湯底，有四款咁多，有醬油、豬骨、味噌、咖喱湯底，四款我哋都鍾意飲，首選豬骨湯，跟住選面底，當然選自家拉麵，醬料仲有得加辛辣、麻辣味道，最後就選餸菜，非常多有29款餸菜，而餸菜個賣相都好吸引，我哋就選咗日式豚角、雞叉燒、靈芝菇、雜菜魚餅。如果你有素食朋友，都可以同佢來食，自選拉麵本身有經典配搭，有醬油湯、拉麵、蔥花、味筍、木耳絲，價錢亦係$38啫。
這間拉麵店部除咗食拉麵之外，仲有小食叫來食，啲小食亦都好吸引，我哋叫咗煎餃子、明太子多士、手羽餃子明太子雞翼，而飲品叫咗雪碧汽水同冷泡茶嘅草莓荔枝綠茶，冷泡茶跟餐價仲平一半，好抵飲。先來小食同飲品，明太子多士非常香脆好味，明太子味只有少少辣啫，好夾同個爽脆多士一齊食，而手羽餃子明太子雞翼賣相都好靚㗎，隻雞翼入邊放咗手羽餃子，雞翼皮又煎得香脆，口感一流，煎餃子份量有五隻，外皮煙韌，香脆可口，餡料肉汁豐盈，好味好食，而飲品汽水同冷泡茶好配合小食，亦好適合我同朋友來傾偈。
主食拉麵來得不慢，豚角拉麵都大碗，醬油湯唔鹹唔淡味道啱啱好，仲好有醬油香味，而豬肉有豬肉味，食落令口感好香滑，一啲都唔覺得油膩，拉麵亦爽滑可口，連埋爽口嘅味荀同木耳絲、蔥花嘅香味一齊食，非常好食。而自選拉麵嘅豬骨湯好飲，味道濃郁，日式豚角肉味鮮甜，入口軟腍酥化，自家拉麵彈牙滑身，吸取豬骨湯底鮮美，滋味十足。雞叉燒大大塊，肉質超嫩，令口感非常好。雜菜魚餅亦大大塊，魚餅塊塊爽口彈牙，魚味濃郁，黃金香口，而靈芝菇都大份，加埋蔥花、木耳絲、味荀，好食仲食得真係好飽。
這個拉麵店舖好值得推介俾大家，好食抵食，價錢又唔貴，食物質量又好，仲冇加一費用，令人食得開心，我哋下次一定再嚟食其他優惠食品。
張貼
