影片
更多
2020-10-28
72 瀏覽
長假期後好不容易捱到放工, 一夠鐘即閃人同老公搵好嘢食! 今晚近近地去公司附近嘅北角匯, 靜靜地唔算多人。見到有間拉麵店都幾多客, 就貢入去試試。之後先發現原來自己地磺青衣都有分店不過從未試過, 哈哈。店舖不算好大但環境幾好, 妙為吧檯同卡位, 座位之間好寬敞, 但因商場本身都靜, 傾計唔洗大大聲。店員態度良好, 一坐低就遞水同餐牌。拉麵分六種湯底 – 白虎(豚骨)、赤虎(辣)、黑虎(黑蒜)、番茄、虎尾拉麵、虎尾沾汁麵。而拉麵配料就有豚角、低溫叉燒、豚肉片。仲可以加錢要額外配料例如溫泉蛋呀、紫菜咁, 都算多配搭啦! 今次我地就叫左番茄燒豚角拉麵 + 黑虎叉燒拉麵。麵條口感偏硬, 食上黎比較彈牙, 湯頭用了蕃茄蓉熬煮, 濃郁而不油, 滿滿香甜蕃茄味呀!! 而黑蒜雖然成個湯底都黑媽媽, 但出奇地完全唔會好漏好滯, 蒜油亦非常香, 層次豐富。叉燒入口嫩滑唔洗咬, 好正! 除左拉麵, 當然少不了叫小食, 我地叫左武藏煎餃子 + 武藏炸雞, 兩樣都好鬼香口! 餃子唔似出面個D 油淋淋, 反而煎到好乾身但又咬落有汁好juicy~ 而炸雞就好香口, 肉嫩多汁 (最緊要唔會勁熱, 入口溫度剛好) 加埋
店舖不算好大但環境幾好, 妙為吧檯同卡位, 座位之間好寬敞, 但因商場本身都靜, 傾計唔洗大大聲。店員態度良好, 一坐低就遞水同餐牌。
拉麵分六種湯底 – 白虎(豚骨)、赤虎(辣)、黑虎(黑蒜)、番茄、虎尾拉麵、虎尾沾汁麵。而拉麵配料就有豚角、低溫叉燒、豚肉片。仲可以加錢要額外配料例如溫泉蛋呀、紫菜咁, 都算多配搭啦!
今次我地就叫左番茄燒豚角拉麵 + 黑虎叉燒拉麵。麵條口感偏硬, 食上黎比較彈牙, 湯頭用了蕃茄蓉熬煮, 濃郁而不油, 滿滿香甜蕃茄味呀!! 而黑蒜雖然成個湯底都黑媽媽, 但出奇地完全唔會好漏好滯, 蒜油亦非常香, 層次豐富。叉燒入口嫩滑唔洗咬, 好正!
除左拉麵, 當然少不了叫小食, 我地叫左武藏煎餃子 + 武藏炸雞, 兩樣都好鬼香口! 餃子唔似出面個D 油淋淋, 反而煎到好乾身但又咬落有汁好juicy~ 而炸雞就好香口, 肉嫩多汁 (最緊要唔會勁熱, 入口溫度剛好) 加埋芥末沙律醬, 冇得彈!
食完成餐飯, 飲埋兩杯飲品 – 巨峰可爾必思梳打 + 熱檸檬可爾必思, 酸酸甜甜當甜品。埋單連加一 $318, 食到飽飽
張貼
