武士拉麵 (已結業)

一向都好鍾意食拉麵 不過係香港食拉麵都唔平 有時都幾肉赤 同朋友係觀塘區見到呢間 價錢睇落好相宜 就決定入去試下店舖唔算大 但座位都寬敞叫拉麵亦都好似日本咁客製化可以自己選擇湯底 麵條 麵質真田將軍拉麵豬軟骨湯底濃而唔膩 木耳爽脆 而且豬軟骨亦都好大條 好淋好易入口😋武士沾麵叉燒好好食 肥瘦均勻 不過朋友話湯底略鹹九州地獄拉麵湯底中辣 都幾惹味 唔食得辣嘅朋友就要小心啦😆日式餃子幾足料 而且煎得幾香 皮亦唔會太厚炸雞熱辣辣 雞肉亦都唔會炸到好乾 正👍🏻芥末蜜糖雞翼芥末味頗重 所以食落會有d攻鼻 不過芝麻再配蜜糖都幾惹味最後係章魚小丸子味道唔錯 不過始終都係漿較多 整體而言不過不失啦！以食日本野嚟講 呢間都算抵食 質素都唔錯 可再encore!