俺流塩らーめん (東港城)

營業中

休息中

星期日到東港城行街，下午時分經過這家拉麵看見入面有很多客人，心諗一定好好味啦，所以就立即入去試下。 看見餐牌上拉麵種類款式眾多， 我點了俺流柚子拉麵 $73和黑蒜熟成濃湯拉麵 $73， 兩碗拉麵加埋服務費埋單都是160蚊好抵吃。 首先講下俺流柚子拉麵， 柚子湯底味道清新不油膩， 啱曬夏天來吃， 拉麵嘅質地我點了普通， 口感剛剛好唔太硬。 配料方面有叉燒，流心蛋，筍，菜等等， 叉燒肉質不算做得太出色， 但勝在未到夠香。 流心蛋雖然原隻上，賣相不是太美， 但一啖咬落去發現蛋黃汁流曬出嚟真係好有流心嘅感覺。黑蒜熟成濃湯拉麵，湯底好濃，黑蒜味特出， 如果鍾意食濃湯嘅朋友可以試這一個。還有每張枱面都有幾款不同的醬料， 有黑蒜蓉，梅子醬， 柚子醬等等， 基本上三款醬料我都有試下， 感覺幾特別，食咁多年拉麵都未見過有咁多唔同種類嘅醬料可以選擇。