侍元

營業中

休息中

放假出市中心行街, 多數人都會響市廣場果邊搵食, 不過其實北翼呢邊都有好多餐廳, 各式各樣平貴都有, 而且仲唔洗等咁耐位.我地揀左呢間日式拉麵, 價錢唔貴, 除左麵仲有飯可以選擇.朋友要左糖心蛋鰻魚飯, 鰻魚份量適中, 無骨可以好放心咁食, 日式珍珠米配上鰻魚汁甜甜地最啱送飯. 個糖心蛋亦夠晒流心.我就要左白武士櫻花蝦豚骨拉麵, 先飲一下個拉麵湯底, 好濃郁既豬骨味, 夠清唔油膩. 加埋D櫻花蝦一齊飲, 仲帶有蝦既咸鮮香味.拉麵係粗身既拉麵, 口感特別彈牙爽口, 唔會煮得太腍. 日式义燒唔肥, 入口即溶, 唔會太乾, 而且厚薄適中.