Fat Angelo's (已結業)

平時我同女友都好少來吃，黎親都係一班人，碟碟都咁大份，價錢都幾貴，今次在openrice列印Fat Angelo's$1 嘆 12" 薄餅優惠優惠券（有效日期: 2010年5月1日起至2010年8月31日止 ），再加個主餐（羊架），沙律和麵包（任吃），埋單都係$180幾。麵包…有三種，麵包條，幼而脆；香草包，口感較硬但越嚼越香；農夫包，外脆內軟， 質感煙韌；塗上牛油吃或點西洋醋和橄欖油同吃都係停不到口。薄餅…意式錦繡，有辣肉腸、牛肉、蕃茄、芝士，配上薄身餅底，絕妙。沙律…生菜爽脆，冰凍番茄、洋蔥新鮮，配上酸溜溜的沙律油，好開胃，我們叫了四轉。羊架…香草味，肉質較肥，有四條，好容易地骨肉分離。