影片
更多
2016-02-25
3283 瀏覽
星期六幾個朋友收工都夜晚9點, 忽然想食燒肉, 雖然旺角好多選擇, 但呢間做放題價格合理兼且收零晨2點, 用餐時間係入座兩小時, 一於試試. 雖然等位入坐已經係夜晚10點, 但全場坐無虛席! 二人同行會有一份免費任選既豚/蝦/牛. 我地3個人, 竟然可以選2份! 於是選擇左豚肉同蝦. 同行有朋友係當月月份生日, 仲有一隻枇杷蝦送!店員會先送上一份八色燒肉, 分別係用上不同醃料醃制既豬肉/雞肉. 幾款味道其實唔太大分別.到免費送既豚肉喇, 絕對係攪笑之作, 只有4片豚肉就係晾係一個木製豬形掛架上面, 但睇落肉質顏色都唔錯, 肥瘦分明, 燒出黎既肉質唔太硬身, 又幾好食噃. 至於免費送既蝦, 雖然只有2隻, 但SIZE大隻絕不吝惜, 有手板咁長呀! 肉質彈牙, 好味!做得放題, 飲品當然係任飲啦, 對於食燒肉飲品任飲, 係唔錯既配搭. 燒清酒白蜆, 蜆肉好鮮甜, 冇砂, 配上淡淡清酒香味, 好味道!!!其他食物都係主打肉類: 雞/豬/牛; 蔬菜有菇菌類/茄子/菠蘿; 海鮮有帶子/多春魚/蝦/青口. 其實就咁燒蔬菜, 會比較乾身, 唔係太好味道. 發現將菇菌類/茄子沾上少少燒汁先再燒, 唔
雖然等位入坐已經係夜晚10點, 但全場坐無虛席! 二人同行會有一份免費任選既豚/蝦/牛. 我地3個人, 竟然可以選2份! 於是選擇左豚肉同蝦. 同行有朋友係當月月份生日, 仲有一隻枇杷蝦送!
店員會先送上一份八色燒肉, 分別係用上不同醃料醃制既豬肉/雞肉. 幾款味道其實唔太大分別.
到免費送既豚肉喇, 絕對係攪笑之作, 只有4片豚肉就係晾係一個木製豬形掛架上面, 但睇落肉質顏色都唔錯, 肥瘦分明, 燒出黎既肉質唔太硬身, 又幾好食噃. 至於免費送既蝦, 雖然只有2隻, 但SIZE大隻絕不吝惜, 有手板咁長呀! 肉質彈牙, 好味!
做得放題, 飲品當然係任飲啦, 對於食燒肉飲品任飲, 係唔錯既配搭.
燒清酒白蜆, 蜆肉好鮮甜, 冇砂, 配上淡淡清酒香味, 好味道!!!
其他食物都係主打肉類: 雞/豬/牛; 蔬菜有菇菌類/茄子/菠蘿; 海鮮有帶子/多春魚/蝦/青口.
其實就咁燒蔬菜, 會比較乾身, 唔係太好味道. 發現將菇菌類/茄子沾上少少燒汁先再燒, 唔會燒乾同埋有D汁都幾好.
最好味就係燒清酒白蜆, 但因為爐面唔大同埋燒既時間係需時, 所以2小時係唔太夠食呢~
最後仲有甜品送, 每人一小柸雪糕. 整體黎講抵食, 味道可以, 對於夜收工人士都不失為一個唔錯既選擇.
張貼
