野川拉麵の鮮鍋道場 (已結業)

天氣開始轉涼，好友話想打邊爐又想食壽司，點好呢？ 佢提議去元朗郊遊，仲話要去「野川拉麵の鮮鍋道場」，皆因有《日式放題》包埋《火鍋放題》喎。哈哈😆😆山長水遠，算！ 見佢生日，一次過滿足佢三個願望啦！有驚喜呀！ 同一位生日月份嘅朋友一齊去食，全枱人有88折優惠！ 閒日夜晚$188，折完埋單都係百幾蚊。刺身種類都好多吓，包括有三文魚、甜蝦、希靈魚、立魚……我就對三文魚腩特別鍾情，刺身厚切，肥美可口。仲有炸物、燒物、多款壽司、反卷同手卷選擇。 必食之選係火焰三文魚反卷，魚味香濃，沙律醬惹味，正呀。 除了日式放題外，仲可以打邊爐，火鍋配料相當多，有魚、肉、海鮮、丸、烏冬、菇同蔬菜等…… 飲品同甜品任君選擇，仲有自助小食區，海草、螺肉、粟米……真係呢，食到肚滿腸肥🤪，太盡興！