大滿喜日本料理 (已結業)

星期六同朋友去左食9~12嘅大瀛喜，呢段時間都比我想像中多人。我地被安排坐左喺角位，不過隔離嘅人比較噪，就難d同朋友靜靜地傾下計。 不過座位都好舒服，依家叫野食就冇紙，轉左用app/wechat. 所以食之前要留意下。 叫完嘅野食好快就上到枱。自助吧都有唔少野揀，冷盤例如中華沙律，蒜味螺肉，沙律，蝦，青口；飲品有各式茶同埋碳酸飲料。野食方面，我地叫花之戀，中間嘅醬唔會太多，細細件，食多幾件都好o k，味道都唔錯。燒羊鞍夠香而且唔算油，肉質適中，唔會好韌。焗帶子就比較油，汁反而比較稀，食一兩件還好，味唔算特別重。牛串燒整得夠薄，好好咬，唔油膩，仲有肉汁。另外，燒波羅好解油膩，好開胃，好多汁，放題必食。甜蝦赤海蝦刺新唔錯，乾淨都算新鮮。整體幾好！炸榴連波好香濃，鐘意榴連嘅人一定要試！