鳴 Fusion (已結業)

原來尖沙咀多左好多樓上放題餐廳，例如呢間鳴fusion, 每位都係$198加一，好抵。地方唔大，但我覺得坐得舒服過其他貴價放題餐廳，嗰d坐到好密好迫夾，反而呢度每枱之間都有點空間。飲品+雪糕係自助既。其餘食物就睇餐牌，將食物篇號寫喺點菜紙上，唔使浪費紙張。天婦羅：蟹柳、南瓜、茄子、蝦炸得有點唔平均，但仍可接受，因為炸得唔厚算脆薄。日式海鮮窩 - 不過不失，想食菜既話呢個選擇唔錯。大蝦- 大隻唔算新鮮但總算仍然彈牙。蕃薯仔-必點，清甜易食。菠蘿-燒得乾左，但食到係甜既粟米-清甜多汁。刺身叫左幾樣：甜蝦、鮑片、榮螺肉&馬刀貝 - 賣相麻麻但幾新鮮，食落鮮甜爽口，唔錯。蒜香牛柳粒 - 估唔到呢度既熟食都唔錯，牛柳粒炒得好香兼入味，肉質夠稔有牛味。豬軟骨-呢個有驚喜，軟骨好爽口煮得夠稔兼入味～ 肉亦稔身唔會韌；蘿蔔吸晒d汁，好味。每人埋單$220都唔使，幾抵食。不過如果可以將音樂/歌教細聲d就好勒，太嘈。