影片
更多
2023-05-07
440 瀏覽
泰北撈麵金麵撈🥩虎浪海烤牛肉排🍖惹味火山排骨！-專注泰北菜嘅鋪頭香港少有，即使係大間啲嘅泰菜，都真係少見泰北金麵，難得有小店做得咁刁鑽。呢間小店新開無耐，座位唔多，只做精品，主打幾款泰北麵，有湯有撈，重點係價錢平民，連埋小食可以叫滿全枱，都唔會肉赤。-🍗泰北雞腿金麵撈 ($55)🥓泰北豬肉金麵湯 ($58)雞腿經過慢煮，麵條索汁又微微彈牙，而湯汁用金咖喱醬煮成，濃郁得黎唔會太辣，而撈麵湯麵都係同一湯頭，撈麵較濃掛汁，湯麵就更有椰香。🍜泰北豬肉湯米粉 ($58)而呢款就比較唔同，湯底清澈但其實非常鮮甜，飲得出足料熬製，而米粉非常索湯，配上清甜湯底一流。🥩泰北虎浪海烤牛肉 ($68)大大份烤牛肉，根本要用牛扒黎形容，但價錢唔貴，烤得外焦香內半熟，脂肪較少肉感十足，酸辣汁混入蔥花芫茜，惹味得黎夠清爽。-🍖泰北火山排骨 ($48)🌶️泰式酸辣鳳爪 ($48)小食選擇唔少，連火山排骨都有，份量比平時嘅迷你同抵食，小食黎講超正，湯汁清甜惹味，滲哂入排骨中，啜得超過癮。🍘泰式煎魚餅 ($45)🦐泰式炸蝦餅 ($55)蝦餅自家手打，田中食食下麵，都聽到入邊剁緊，果然非常爽彈，而辣汁亦唔會同前幾款小食一樣
-
專注泰北菜嘅鋪頭香港少有，即使係大間啲嘅泰菜，都真係少見泰北金麵，難得有小店做得咁刁鑽。
呢間小店新開無耐，座位唔多，只做精品，主打幾款泰北麵，有湯有撈，重點係價錢平民，連埋小食可以叫滿全枱，都唔會肉赤。
-
🍗泰北雞腿金麵撈 ($55)
🥓泰北豬肉金麵湯 ($58)
雞腿經過慢煮，麵條索汁又微微彈牙，而湯汁用金咖喱醬煮成，濃郁得黎唔會太辣，而撈麵湯麵都係同一湯頭，撈麵較濃掛汁，湯麵就更有椰香。
🍜泰北豬肉湯米粉 ($58)
而呢款就比較唔同，湯底清澈但其實非常鮮甜，飲得出足料熬製，而米粉非常索湯，配上清甜湯底一流。
🥩泰北虎浪海烤牛肉 ($68)
大大份烤牛肉，根本要用牛扒黎形容，但價錢唔貴，烤得外焦香內半熟，脂肪較少肉感十足，酸辣汁混入蔥花芫茜，惹味得黎夠清爽。
-
🍖泰北火山排骨 ($48)
🌶️泰式酸辣鳳爪 ($48)
小食選擇唔少，連火山排骨都有，份量比平時嘅迷你同抵食，小食黎講超正，湯汁清甜惹味，滲哂入排骨中，啜得超過癮。
🍘泰式煎魚餅 ($45)
🦐泰式炸蝦餅 ($55)
蝦餅自家手打，田中食食下麵，都聽到入邊剁緊，果然非常爽彈，而辣汁亦唔會同前幾款小食一樣，值得一叫。
🍹泰式奶茶 (+$20) / 泰國菊花茶 (+10)
飲品都係精緻樽裝，自家調製，重點係堅好飲，奶茶夠濃厚，遲啲經過嘅話都會想買返支走。
張貼
