活一鮮

營業中

休息中

之前路過依間餐廳已經想去試食，今個星期六午餐時間終於入去試下。下晝一點左右已經好多客，我地好在有位坐。見到個set lunch menu已經覺得好抵，當然非商業區一定抵食d。我叫左個活一鮮特上丼，係最貴嘅刺生丼，都只係$138。男朋友叫嘅三色丼只係$98。落完單即刻就上沙律同麵鼓湯，沙律菜加胡麻醬，細細碗，味道正常。湯未飲完就上丼，刺身新鮮，份量好足。我個特上丼有牡丹蝦、吞拿魚腩蓉、帶子、三文魚子、蟹子、蟹膏、細細隻蟹鉗、油甘魚、三文魚腩同北寄貝，好豐富。可惜無海膽，我應該問佢有無海膽先。不過都好滿足，清曬成碗飯。三色丼有吞拿魚腩蓉、帶子同三文魚腩，份量一樣足，男士食都夠飽。食完侍應都有禮貌咁送客，服務幾好，會再幫襯。