漁牧 (已結業)

過開黎尖沙咀開工，係茶記又無位，亂打亂撞，估唔到漁牧午巿都有得食。之前黎食開晚巿，佢既川菜同埋辣嘢都好正！唔知午巿又會點呢？睇過個價錢牌，又幾抵食，茶記價錢的客飯，只係五六十一個SET，有埋嘢飲，都可以一試。青瓜雲耳炒鮮魷套餐想要清清地，咁食呢個都唔錯。食起上黎味精味又唔多覺，我諗想要健康既女仕們係比較啱食呢個套餐。因為食材都係菜類為主，味也不會太濃。鴛鴦酸豆角肉沫套餐想要重口味，可以食呢個。啱晒大男人，因為夠晒味濃，都有著川菜的特式。微辣，有著惹味的肉碎，加上了豆角，酸酸辣辣的，配上兩三碗飯都得。咖喱牛根腩套餐呢個係我覺得最好食的。因為夠晒香濃惹味，同埋辣度都啱啱好。份量都唔細，同啲飯係分上。入面既牛筋及牛腩都有好多舊，牛腩都夠晒腍，唔會鞋，啱晒口味！