No.5 Italian (已結業)

呢間意大利餐廳開喺世貿中心內，通常喺商場內既餐廳既食物水準都係麻麻，冇乜太大期望。餐廳環境舒適，配以暗淡既燈光，頗有格調。侍應服務細心有禮，但好似唔係幾夠人手，佢地好忙碌，好不容易先至叫到佢地。我叫咗「慢煮石斑柳」，估唔到石斑的肉質嫩滑，冇骨，分量適中，油份也適中，配以清甜軟淋既紅蘿蔔，十分清新，如有多D蔬菜會更好。Set lunch竟然仲有甜品，係brownie，以為會好漏，好彩細細件，朱古力味香濃可口，配以酸酸地既水果，減低甜漏感。HK$100樓下既意大利set lunch，有湯，有主菜，又有甜品，高水準，用一個字去形容呢餐，就係「抵」！