千之壽

營業中

休息中

可能係因為附近多學校，所以呢度啲餐廳都算大份抵食。今日行過呢間千之壽，就唔錯喎！門口睇佢個午餐餐牌，都幾多種選擇。我揀咗個燒汁肥牛飯再加多個鰻魚手卷。呢個肥牛飯真係好有誠意！飯上面有飯素，仲要有啲汁，等食飯唔會好齋，仲要有啲粟米粒，可以均衡飲食！肥牛份量多而且真係肥牛！味道好，而且唔會又乾又硬！鰻魚手卷大塊，入面嘅鰻魚好大塊，而且放到好低，每一啖都食到鰻魚。真係唔錯！呢間餐廳唔算好貴，但勝在足料有誠意！唔錯！