樂天大喜屋 (已結業)

大喜屋日日都咁多人排隊，今次嚟咗旺角店同樣人氣爆棚，差唔多坐滿晒！晚市放題食兩個鐘，唔同時段價錢會有少少分別，今次我哋book咗6:30，但要留意1.5小時就會last order，記得睇住時間落單！自助區有前菜、少量熟食、炸物，海鮮有蜆同青口。鍾意炸物嘅蝦多士，好酥脆！除咗食物仲有唔同酒類飲品、sake機、冷泡茶同果汁，好多選擇用QR code落單好方便，佢哋嘅壽司細細件但質素唔錯，最鍾意特色卷物系列，例如黑松露蟹肉帶子卷同埋芝士鰻魚玉子壽司，唔同口味配搭好新鮮。剌身都幾厚切下，而且都幾新鮮，特別係赤蝦又彈牙又鮮甜😍另外手卷有海膽同蔥吞拿魚，兩款都係細細件唔怕令你太飽，但質素都幾好唔怕腥！唔止壽司，連熟食質素都唔錯！烤菠蘿好香甜，鹽燒雞翼同牛油翠玉瓜都好香口。仲有燒青花魚，做到皮脆肉嫩，抵讚🙆🏻‍♀️