影片
更多
2020-12-16
375 瀏覽
新蒲崗MiKiki真係多咗好多嘢食，而呢一間豚豚食堂係平日嘅夜晚都好多人幫襯，咁應該都有返咁上下水準呀，所以我哋一家人就入咗去食啦叫咗佢個自選二人套餐，首先揀咗個豚軟骨拉麵，湯底味道非常濃郁，煮到變咗做白色，食完唔會覺得太鹹太頸渴，而拉麵嘅口感亦都非常彈牙，最後豚軟骨煮到非常林，非常容易入口。第二個主食揀咗滑蛋豬扒丼，一打開個蓋嘅時候啲熱氣冒出嚟，真係熱辣辣啱啱炸起塊豬扒就放上去再搬出嚟俾我哋，豬扒非常香脆，香味誘人，非常大塊，食完成碗飯都仲有淨，而個滑蛋令到入口個感覺冇咁乾。小食嗰度揀咗燒雞翼同燒雞軟骨，兩樣都係燒到個外邊好香，燒雞皮有少少脆口，加少少鹽帶出個味道，簡單嘅調味已經非常好食另外仲有自家製餃子，餃子皮又係煎到有少少香脆嘅口感，入面嘅餡料足夠，而且仲有六隻咁多完全冇諗過作為小食嘅炸雞份量竟然係有咁多㗎，真係超級抵食，最優秀嘅係佢外面揸到卜卜脆，但入面嘅雞肉仲係保持到肉質嫩滑有肉汁，而且食完仲一啲都唔覺得油膩，加少少檸檬汁仲更加好味壽喜燒牛肉鍋睇住佢送上嚟嘅時候個煲剩係得啲材料，然後睇住佢慢慢滾到個湯出咗嚟，個湯完全吸收晒牛肉嘅味道，特別鮮甜，而且裏面又有蔬菜、菇、豆腐同肥牛
叫咗佢個自選二人套餐，首先揀咗個豚軟骨拉麵，湯底味道非常濃郁，煮到變咗做白色，食完唔會覺得太鹹太頸渴，而拉麵嘅口感亦都非常彈牙，最後豚軟骨煮到非常林，非常容易入口。
第二個主食揀咗滑蛋豬扒丼，一打開個蓋嘅時候啲熱氣冒出嚟，真係熱辣辣啱啱炸起塊豬扒就放上去再搬出嚟俾我哋，豬扒非常香脆，香味誘人，非常大塊，食完成碗飯都仲有淨，而個滑蛋令到入口個感覺冇咁乾。
小食嗰度揀咗燒雞翼同燒雞軟骨，兩樣都係燒到個外邊好香，燒雞皮有少少脆口，加少少鹽帶出個味道，簡單嘅調味已經非常好食
另外仲有自家製餃子，餃子皮又係煎到有少少香脆嘅口感，入面嘅餡料足夠，而且仲有六隻咁多
完全冇諗過作為小食嘅炸雞份量竟然係有咁多㗎，真係超級抵食，最優秀嘅係佢外面揸到卜卜脆，但入面嘅雞肉仲係保持到肉質嫩滑有肉汁，而且食完仲一啲都唔覺得油膩，加少少檸檬汁仲更加好味
壽喜燒牛肉鍋
睇住佢送上嚟嘅時候個煲剩係得啲材料，然後睇住佢慢慢滾到個湯出咗嚟，個湯完全吸收晒牛肉嘅味道，特別鮮甜，而且裏面又有蔬菜、菇、豆腐同肥牛，兩個人食都夠飽
網燒雪花牛扒定食
牛扒好大塊，而且食落會聞到炭燒嘅味道，特別香，雖然燒到全熟，但係牛肉一啲都唔老，食落一啲都唔會覺得難咬開，雖然佢係全場最貴，但貴得有道理。
四個人食，個個都食到個肚頂住，而且食物全部都即叫就即刻整，但又唔需要等太耐，送泥嘅時候仲係冒着熱氣嘅，價錢平民得來水準又唔差。
張貼
