元祖和風食堂虎藏 (已結業)

第一次食呢間嘢，係因為冇乜其他選擇。大年初一，好多食肆都收咗工，但係呢一間仍然開住，所以就同屋企人走咗入去食。一睇餐牌，我最鍾意食嘅滑蛋豬扒飯竟然只係買38蚊，我仲諗佢會唔會係份量好少，或者好難食？碗飯一嚟到，份量都唔算細，竟然係用珍珠米，豬扒亦都唔細舊，當然滑蛋汁唔算多，但配合起上嚟味道亦都非常之好，簡直係令我跌晒眼鏡。因為太抵食，我仲叫咗個炸薯餅，薯餅不過不失，都有薯仔味。我另外仲用十幾蚊叫咗一杯雪糕新地飲品，呢個價錢平時就咁叫杯檸水都唔得，佢竟然可以食到雪糕新地。屋企人叫嘅嘢食，就被滑蛋豬扒飯貴少少，但係都只不過係40至60蚊，味道同樣不錯，呢一餐嘅性價比我覺得係全香港搵唔到嘅。